Masonic Poems The Ashlar Company
Search
Ashlar
Masonic Regalia StoreRegalia Store AccountAccount BlogsBlogs EducationEducation EncyclopediaEncyclopedia EtiquetteEtiquette Famous MasonsFamous Masons GracesGraces Grand LodgesGrand Lodges InformationInformation LibraryLibrary Lost & FoundLost & Found MembershipMembership MythsMyths NewsNews PoemsPoems QuotesQuotes Regius PoemRegius Poem RitualsRituals SymbolsSymbols ToastsToasts TourTour Tracing BoardsTracing Boards TricentennialTricentennial WallpaperWallpaper All Artwork Authors Submit a Poem
Ashlar Home > Poems > Robert Burns > Address to a Haggis

Address to a Haggis

By Robert Burns

FAIR fa' your honest, sonsie face,
Great chieftain o' the pudding-race!
Aboon them a' ye tak your place,
Painch, tripe, or thairm:
Well are ye wordy o' a grace
As lang's my arm.

The roaning trencher there ye fill,
Your hurdies like a distant hill,
Your pin wad help to mend a mill
In time o' need,
While thro' your pores the dews distil
Like amber bead.

His knife see rustic Labour dight,
An' cut you up wi' ready sleight,
Trenching your gushing entrails bright,
Like ony ditch
And then, O what a glorious sight,
Warm-reekin, rich!

Then, horn for horn, they stretch an' strive:
Deil tak the hindmost! on they drive,
Till a' their weel-swall'd kytes belyve,
Are bent lyke drums
Then auld Guidman, maist like to rive,
``Bethankit!'' hums.

Is there that owre his French ragout
Or olio that wad staw a sow,
Or fricasse wad mak her spew
Wi' perfect sconner,
Looks down wi' sneering, scorfu' view
On sic a dinner?

Poor devil! see him owre his trash,
As feckless as a wither'd rash,
His spindle shank, a guid whip-lash,
His nieve a nit
Thro' bloody flood or field to dash,
O how unfit!

But mark the Rustic, haggis fed,
The trembling earth resounds his tread.
Clap in his walie nieve a blade,
He'll mak it whissle
An' legs an' arms, an' heads will sned,
Like taps o' thrissle.

Ye Pow'rs wha mak mankind your care,
And dish them out their bill o' fare,
Auld Scotland wants nae skinking ware
That jaups in luggies
But, if ye wish her gratefu' prayer,
Gie her a haggis!
Owned & Operated Exclusively by Members of the Masonic Family
Tradition, Integrity, Trust.
Support@TheAshlarCompany.com
© 2017 The Ashlar Company “Hello again
I have received the ring that I ordered and it is in all ways completely fantastic. I enjoy it every day.
Thanks for a really good result and to a good price and a fine cooperation in the design. Just beautiful. J
My very best recommendations to you.

Regards

Per” Brother Per, Denmark